بكرة عيد ميلادي

(: عيد ميلادي بكرة كل سنة وانا طيبة :)
نفسي بابا يجى يحضنى زى من كام سنة فاتت كدة

ويقولي كل سنة وانتى طيبة ويبوس جبيني
ماما بقى كانت بتعملى تورتة كلها شيكولاتة
واشوف ابتسامة نيفين اللى بتنور وشها

ويمنى تقعد تتنطط قدامي زى العيال
بس البيت بقى فاضي

..ربنا استرد أمانته

ونيفين اتجوزت
ويمنى بطلت تنطط علشان كبرت
حتى ماما بطلت تعملي تورتة الشيكولاتة

بس برده وايه يعنى
مش مهم الشيكولاتة

ومش مهم اى حاجة تانية
لسة باقي لي عيد ميلادي
يارب حد يكلمنى اليوم دة يقولي كل سنة وانا طيبة
أول حد يكلمنى هاجيب له تورتة شيكولاتة