حدوتة الانتخابات - قبل النوم-

كان يا ما كان فى ذات العصر و الاوان
كان فى ملك حيران ... لا مش كدة ثوانى بقى ....
من الاخر كنت عند الدكتور من كام يوم وفى صالة الانتظار كان التليفزيون مفتوح لقيت تتر بداية برنامج -حدوتة قبل النوم - بصراحة التتر حلو اوى وقلت ماشاء الله بقى فى التيلفزيون الحكومى ناس بتفهم ؛ بشرى اللى بتحكى الحدوتة
اللى يهمنى فى دة كله الحدوتة نفسها

فى الاول منكتش سامعة كويس بس ركزت الحدوتة بتقول ..

كان فيه ملك اسمه " حاجة تبدأ بحرف العين مسمعتش كويس" كان عنده بنت
اسمها علياء
والشاطر حسن كان عايز يتجوزها قام ابوها اعترض ؛ لازم اللى يتجوز بنت
الملك اسمه يبدأ بحرف العين البنت قالت لباباها الملك يا بابا دة قانون قديم
ولازم نغيره ميمشيش مع العصر اللى احنا فيه الملك قام معدل القانون وفعلا البنت
اتجوزت الشاطر حسن؛ ................لسة الحدوتة مخلصتش ؛ الشاطر حسن رفض انه
يعيش مع الملك فى القصر وقال انه بيحب يبرى حيوانات فى المزرعة بتاعتهالملك وافق
وساب بنته تروح تعيش فى المزرعة مع الشاطر حسن ؛ وعاشوا فى تبات ونبات وخلفوا صبيان
وبنات؛ ............. وبرده الخدوتة مخلصتش؛ عدت اعوام واعوام والملك عجز اوى وطلب
من بنته وجوزها يجوا يمسكوا الحكم بداله ؛ الشاطر حسن رفض وقاله انه مبسوط
بالعيشة اللى هو فيها ومش عايز يكون ملك ؛ الملك احتار اجيب مين يمسك الحكم
بدالى ؛ لازم اختار حد؛ اقترح عليه الوزير انه يعلن عن وظيفة ملك فاضية ويكتب شروط
للمتقدمين؛ ويختار ما بينهم؛ وفعلا كتب الملك الشروط ؛ انه يكون حكيم ورحيم وطيب
و..و..و.. ؛ واتقدم اكتر من واحد للوظيفة والملك اختار واحد اسمه محمود ولما محمود
عجز وكبر عمل نفس الحكاية وختار ملك بعديه والشعب مبسوط؛

خلصت الحدوتة.... حد فاهم حاجة