حالة كدة
أول مرة أحس بكدة ... مش عارفة ليه .. مش عارفة مالى, عايزة أختفى من الدنيا فجأة وأبقى عدم
مش عارفة مالى .. حاسة ان روحى مش معايا .. وأن مفيش أى حاجة جوايا .. والدنيا زحمة اوى اوى .. وانا مش عايزة اشوف أى حد .. مش عايزة حد .. انا عايزة نفسى .. عايزانى أنا
بس أنا مش هنا
لو حد لاقانى مرة فى أى حتة ياريت يقولى .. شافنى فين وباعمل ايه .. علشان انا تهت منى .. أنا باحاول الاقينى
وخايفة قبل ما الاقينى تضيع منى سنينى
3 Comments:
جميلة "حالة كدة" ولكن تلك الحالة ربما شعرتيها لأنك "مذنبة"
By
Anonymous, at 3/21/2007 12:47 AM
السلام عليكم
اولا : - ــــــــــــــــــــــ مقدرتش ــــــــــــــــ
اول مرة فى التدوينة اللى فاتت مقدرتش اعلق لأن الصراحة مفيش أي حاجة شدتني بل على العكس و دا علشان ....ولا
و لا بلاش
تانى مرة مقدرتش معلقش هي حالة كدة و تدوينة كده برضوه و برغم اختلافى ( الجزئي ) مع محتواها الا ان دا لا ينفي ان هي تدوينة جميلة
حقيقي جميلة
بس للأسف حالة مش جميلة حاولي تطلعي منه بسرعة
ثانياً : - ـــــــــــــــــــــــ كده ـــــــــــــــــــــ
"
الصورة لما تكون معبرة عن التدوينة بتبقى كده
زي العنوان ما هو حاله كده
و زي التدوينة ما هى كتابة كده
يعنى من الاخر كل حاجة فى التدوينة كده
"
طبعا مفيش حد فهم حاجه من الأربع سطور اللى فاتوا
عموما لو شيلنا كل كلمة "كده" من السطور الاربعة اللى فاتت و وضعت كلمة "جميلة " المعنى سيتضح ......الآن اعدى القرأة بعد تغيير الكلمتين
ثالثاً : - ـــــــــــــــــــ اللوحة رائعة ـــــــــــــــ
التجريد فى اللوحة أكثر من رائع
انا بحب التجريد جدا جدا بس طبعا لما يكون ليه معنى
و المرة ديه كان رائع التوظيف و ليه معنى زي ما العنوان كان ليه معنى
اللوحة فيها لونين بس و مكنتش محتاجة لون تالت و كمان كانت حتبقى بمستوى اقل لو كانت لون واحد
رابعاً : - ــــــــــــــــــــــــــ أخيراً ــــــــــــــــــ
ملحوظة :- الوحيدة القادرة على ايجاد النفس (أي نفس ) هي نفسها
متهيألي المرة ديه مطولتش امممممم يعنى
الله تعالى أسأل الهداية لي و لكم
By
hossam, at 3/21/2007 6:03 PM
anonymous:
شكرا على رأيك ...
بس هو انت مش بتنشر اسمك ليه؟
hosam:
عليكم السلام
أولا انا دايما بارحب بتعليقاتك حتى لو كانت نقد سواء سلبا او ايجابا ..
ثانيا: شكرا جدا جدا جدا :)
ثالثا : انا باحاول اختا لوحات تعبر عن التدوينة لأنى للأسف هجرت الفرشاة من زمان :(
رابعا : الحياة دايما ups & downs لو كانت كلها ups مكانتش تبقى دنيا .. ربا يعينا عليها ويخرجنا منها سالمين ويصرنا عليها طول ما احنا عايشين
By
سلامٌ عليكِ, at 3/28/2007 11:33 PM
Post a Comment
<< Home